في العام الجاي لو تقدر تخطف حبه حب وتجري تبقي بتقدر تقوى على الكداب شوف كام واحد حب وتاب معرفش يقدر قيمه الحب وما كان يفهم في الأسباب انه يحب ده يبقى مكافح يبقى ده حد كبير متصالح يبقى بيفهم ان الرب خلقنا عشان حبه وبيه نتسامح تعرف ايه الحب ده ايه انك توصل حد قطعته انك تقدر على معانيه وتعرف ايه الحب ده عندي ان حاجات تتكدر عندي وانا اضحك واقول جرى ايه هو شيطاني حاربني غلبني ولا غباءي ولا ده ايه اصل الحب ده مهوش كلمه ولا اتنين اتلموا في قسمه لا ده النفس خلقها وفيها الحب و بس ما تسوى علشان كل مبنعيش نكره نفضل نقسى ومن غير لزمه يلى بتقدر تضحك إفهم ان الحب ده أكبر بسمه حب حياتك حب ولادك حب ودادك حب المعنى اوصل حد ولو كان باعك قرب ولا يوم تبعد اوعاك تعند ليه الفرقه حب تحب لغيرك فرحه واوعي تخون مهي مش نصره لو بتخون ربك راح يمكر هو الأمكر خاف من بكره دافع عن قلبك واتجدد احيي الكون حتى بالفكره اقعد قاعده خير مع جمعه أصلح اوفي صون الكلمه وانا عن نفسي مسامحه دموعي اللي سببها كانت ازمه واللي خاصمته انا اقربله بصحبه ورد وانا مبتسمه كتبتها : هناء سيف الدين كل عام وانتم بخير متجمعين عن سيدنا النبي الغالي في حب الله ورسوله عليه افضل الصلاه والسلام بحبكم في الله
