وزارة الداخلية: القبض على السائق المتهم بمحاولة خطف فتاة بطريق السويس

تمكنت الأجهزة الأمنية التابعة لوزارة الداخلية، من القبض على السائق المتهم بمحاولة خطف فتاة بطريق السويس فى الشروق، ما تسبب لها في إصابات عديدة نزيف داخلي كسور وسحجات وتم نقلها إلى المستشفى على اثر ذلك.

وقال مصدر أمنى إن أجهزة الأمن تفحص الواقعة للوقوف على ملابساتها والوصول للمتهم حيث وقعت بنطاق منطقة الشروق.

وتعرض فتاة لمحاولة اختطاف داخل سيارة تابعة لشركة توصيل شهيرة بالقاهرة، وتداول رواد منشورات لواقعة تعرض فتاة تدعى حبيبة الشماع لمحاولة اختطاف.

وجاء فى منشور متداول على نطاق واسع  لأحدى قريباتها: انا بكتب الpost ده علشان احكي ليكم اللي حصل لبنت عمي علشان أولا عاوزاكم تدعولها ربنا يشفيها و يرجعها لينا بالسلامة حالتها لسه في خطر”.

وأضافت، حبيبه فاقده الوعي وعندها نزيف في المخ مش بيوقف ومحطوطة علي “ventilator”.

وتابعت: ثانيا خدو بالكم من نفسكم و من بناتكم الناس بقوا مؤذيين ربنا يبعد عنا شرور الناس وان حبيبة استقلت سيارة من التجمع الأول وكانت رايحة مصر الجديدة الساعة 6:50 مامتها كلمتها في التليفون مكنتش سمعاها كويس علشان صوت الكاسيت كان عالي أوي و الراجل كان بيتخانق فالتليفون حبيبه طلبت منه يوطي الكاسيت قالها لاء وكان بيبرطم بالكلام مامتها مكنتش سامعه هو بيقول أيه قالتلها ماله ده حبيبه قالت لها مش عارفه ماله وقفلت بعدها”.

وأشارت أصحاب حبيبة كلموها يشوفها وصلت فين رد عليهم واحد قال لهم صاحبت التليفون دي وقعت من العربية قعدت تتشقلب لحد مخبطت في الحاجز الإسمنت اللي على طريق السويس ولما راح يسالها أيه اللي حصلك قالت “Uber” كان عاوز يخطفني وجالها تشنجات وفقدت الوعي.

وأوضحت: انا معرفش حصل ايه يخوفها بالشكل ده ترمي نفسها والعربية بتجري بس انا عارفه كويس أن حبيبه بتخاف علي نفسها وأكيد هو رعبها والسواق اختفي بعد وقعت ولا طلب إسعاف ولا وقفلها و قفل موبيل.

واختتمت: انا عاوزه اختي ترجعلنا ادعولنا انا عاوزه اجيب حقها ربنا ينتقم منه اشد انتقام.