محمد رمضان يستضيف نجل المنسي: النهاردة 10 رمضان بيفكرنا بأساطير قدروا يصنعوا إنجاز

كتبت :إيمان خالد خفاجي

قدم النجم محمد رمضان، حمزة المنسى نجل الشهيد أحمد منسى في عاشر حلقات برنامج مدفع رمضان الذى يتم عرضه على قناة dmc، وقال فى بداية الحلقة: “النهاردة يوم مش عادي، العاشر من رمضان الذى وافق السادس من أكتوبر يوم بيمدنا بالفخر والعزة والمجد والفداء والتضحية”.

وأضاف محمد رمضان: “العاشر من رمضان يوم بيفكرنا بأساطير قدروا يصنعوا إنجاز حتى الآن بنفتخر به في كل مكان في العالم حتى الآن بنقول إحنا اللى انتصرنا بأرواحهم ودمائهم”.وتابع محمد رمضان: “الأساطير دول مخلصوش لأن مصر لسه موجودة وولادة بأساطير تانية وطلع جيل بعد جيل وجابلنا أسطورة عظيمة اللى أنا قلت إنها مفاجأة حلقتنا النهارة وهو الأسطورة العظيمة الشهيد أحمد صابر المنسى”.

وقال حمزة المنسى فى الحلقة: وقتى فى المدرسة والدروس، ووالدى كان بيحب ينزل قبل الفطار بعشر دقايق يجرى ويلعب ضغط، وكان معاه شهادات حفظ القرآن، وسابلى سيرة عايش عليها وأنا مهتم برياضة البوكسينج.

وأكد محمد رمضان، الشهيد كان صاحب كل العساكر وبيحل مشاكلهم وكل المصريين بيفتخروا بيه، وأنا فخور بيه وبأنى معايا حلقة فى تاريخى ابن البطل”.

وكان النجم محمد رمضان، قال إن برنامج “مدفع رمضان” تمت صناعته بمحبة كبيرة للشعب المصري، كاشفًا عن أنه قال للشركة المتحدة للخدمات الإعلامية عند تعاقده على تقديم هذا البرنامج: “أنا جاهز أروح كل شبر في مصر علشان نفرح الناس”.