كتبت :إيمان خالد خفاجي
تصدرت الفنانة ريم البارودي تريند محرك البحث جوجل خلال الساعات الماضية، حيث تحدثت عن تعدد الزوجات، وهل تقبل أن تكون زوجة ثانية، وقالت فى تصريحات تليفزيونية، “في الوقت الحالي معنديش مشكلة أكون زوجة ثانية أو رابعة حتى، زمان كنت أعترض لكن دلوقتي لا، لكن المهم تكون جوازات رسمية”.
وأضافت ريم البارودي ، “أنا مش ضد تعدد الزيجات، أهم حاجة الراجل يعدل ما بينهم، لكن أنا ضد الزواج العرفي، لأن كلمة عرفي ثقيلة على الأذن، ومش حلوة عندنا في مصر”.
كما دافعت ريم البارودي عن النجم محمد رمضان بعد ملابسه التي ظهر بها خلال حفله فى أمريكا قائلة، “كل واحد حر فى حياته ولبسه، أنا مينفعش أنصح محمد رمضان لأن النصيحة على الملأ فضيحة، ومحمد رمضان شخص محترم وقدم واجب العزاء في والدي لما توفى، وعمل برنامج رمضان اللي فات عشان يساعد الناس ويرسم البهجة على وجوههم”.
